X Cookies erleichtern die Bereitstellung unserer Dienste. Mit der Nutzung unserer Dienste erklären Sie sich damit einverstanden, dass wir Cookies verwenden. Weitere Informationen zu Cookies.
Besucher aktuell: 3320 (2 eingeloggt)

Weisses Kreuz Sektion Cortina d'Ampezzo

Willkommen!

Stufe 1: öffentlicher Bereich
Volkswagen T2b 1800cm³ (68 PS)
Citroën DS Break 23 I.E. 2300cm³ (141 PS)
Stufe 1: öffentlicher Bereich
Stufe 1: öffentlicher Bereich
Stufe 1: öffentlicher Bereich

RA CROŜ BIANCA - Articolo su "La Usc di Ladins" del 1° Giugno 1978

El prin de jenaro de 'l 1976 r'"Associazione Provinciale di Soccorso" de ra Croŝ Bianca r'à betù su na sezion anke cà in Anpezo. R'à abù da ra bete parceké r'anbulanza de Comun ra no baŝtaa par duta
ra şente de Anpezo e par i ŝiore ke vien d'iŝtade e d'inverno.
I à ŝcomenzà con tre makines: kera vecia de Comun e does donades al noŝ paes da ra Baviera, par rinrazià de duta ra otes ke i à salvà e medeà ra sò şente ke intiaa a ese cà in Anpezo.
D’in prin l’ea tre ŝofere pagade e alcuante volontarie, ma i ea de poke in confronto al bişoin, alora pian pian el Comun l’à ciatà ancora na sesantina de parsones (ome e femenes) da ogni età e meŝtier; e dal prin de setenbre de l’an pasà, doa parsones ş’à pasà deboto ogni note (da res noe da dasera fin res sete da bonora) a diŝpoşizion de ci ke à abù bişoin.
Via par marzo l’è ruà na cuarta anbulanza: na Peugeot de seconda man e d’inpreŝto
da ra sezion de Bolşan; ades makines gh’in é ben anke asei, ma vò ese senpre volontarie noe, par un servizio ancora pì pronto e pì gario. D’outra parte l’é anke un gran ŝparain par ci ke à bişoin de r’anbulanza e par ra Croŝ Bianca ke r’à da pagà manco ŝtraores ai ŝofere.
R’anbulanzes de ra Croŝ Bianca şa fato zirca 680 viaşe a l’an intrà longhe e curte.
D’inverno e d’iŝtade, canke inz’el paes l’é ŝtajon, l’é deŝpes da şi a toi calkedun
ke s’à fato mal, e anke fora ŝtajon l’é inciou de na fré calkedun ke à biŝoin de ese
menà inz’i oŝpedai. Ci ke inveze en fora de oŝpedal, calke ota i à da vegnì menade
inz’ì sò paese, parcé ke pì parte i à ancora da premedì. L’é ŝta buda da gh’in menà
anke pitoŝ in dalonşe: a Torino, a Foggia, a Bratislava, a Münster (el viaşo pì longo,
de 2001 kilometre) e inz’el Lussemburgo! Par şontà i é sempre obeade par duta ra gares ke en fato inz’el paes: da ogni ŝtajon e de ogni sport.
Ra tarifes ŝtabilides da ra leje res no rieŝe a cuerşe ra gran ŝpeşes de ra benzina, l’oio,
ra gomes, el comedà, ra paga de i ŝofere ke no n’é volontarie, r’asegurazion, el telefono,
e tanta outra robes ke se se pò pensà. Par se tirà pede con ŝta ŝpeşes vien ŝturtà su carta
e carton ke dapò vien vendude. Ci ke à carta o carton da bicià via, i feŝ ben se i r’ingruma
e i ra mena a Socus, la dà r’anbulanzes, o se propio telefonà al numero 2771 e i dì ke
i viene a se ra toi.
Dal 30 de aprile ai 7 de maşo l’é ŝtà fato cà in Anpezo ra setemana de ra Croŝ Bianca e par
duto el paes l’aea tacà fora placate con ra ŝcrita “DIAME A DIA’”. R’é ŝcomenzada con un
conzerto inze piaza de r’Orkeŝtra Cortina, e r’é finida ra domenia drio con ra banda del paes.
Intanto ke i muşicantes i sonaa, alcuante volontarie de ra Croŝ Bianca i fajea ŝcodea de teseres
e via par ra setemana inze alcuanta boteghes i à fato outro tanto. Beşen di ke l’é ŝta ŝturtà su
un bel soldo. L’é iuŝto ke ci ke no pò dà na fré del sò tenpo a ra Croŝ Bianca, i daghe almanco
calke lira. Par şonta ci ke s’à fato ra tesera i à el vantaşo, in cajo de bişoin de r’anbulanza,
de ese menade inz’el paes par deban e fora del paes par solo meşa tarifa. Teseres s’in pò ancora
fei là da ra Croŝ Bianca e gh’in é de doi tipe: kera da 5'000 lires ke ra val par una persona,
e kera da 15'000 lires l’é ra tesera “familiare”, ke ra i dà el medemo vantaşo a dute ki de ra famiglia.
Ma a ruà a cuerşe ra ŝpeşes, co l’é d’in ultima vanza ancora senpre el Comun...
Socus l’é na fré fora de man, par keŝto el Comun l’à fato su na ciaşa noa apoŝta par ra Croŝ Bianca
a Bigontina, con garajes, cuartier per i ŝofere pagade e na fré de ŝtua par i volontarie.
Cà de calke mes ra sarà pronta e r’anbulanzes res podarà bete de manco a ruà agnò ke ş’é ŝtades
ciamades. Sarà meo anke par i volontarie aé ra ciaşa de ra Croŝ Bianca na fré pì na de, anke se
con ra sò voia de i dià na man e ci ke à bişoin, i va con paŝion agnò ke l’é da şì, pede o in dalonşe
ke see
Stufe 1: öffentlicher Bereich
© Landesrettungsverein Weißes Kreuz-onlus 2008